లష్కర్ బోనాల ఉత్సవాల్లో అత్యంత ఆసక్తిగా ఎదురుచూసే రంగం భవిష్యవాణి కార్యక్రమం ఈ ఏడాది కూడా భక్తుల సమక్షంలో జరిగింది. అమ్మవారి ప్రతిరూపంగా భావించే మాతంగి స్వర్ణలత పచ్చికుండపై నిలబడి అమ్మవారి ఆవేశంలో భవిష్యవాణిని వెల్లడించారు.
రాబోయే రోజుల్లో దేశంలో అగ్నిప్రమాదాలు పెరిగే అవకాశం ఉందని, భారీ వర్షాలు, వరదల కారణంగా అనేక ప్రాంతాలు తీవ్ర ఇబ్బందులు ఎదుర్కొనే పరిస్థితులు ఏర్పడతాయని ఆమె హెచ్చరించారు. ప్రకృతి విపత్తుల పట్ల ప్రజలు అప్రమత్తంగా ఉండాలని సూచించారు.సమాజంలో కుటుంబ విలువలు తగ్గిపోతున్నాయని, మానవ సంబంధాలు దెబ్బతింటున్నాయని, నేరాలు పెరిగే అవకాశముందని ఆమె పేర్కొన్నారు. పిల్లలకు సరైన సంస్కారం, మార్గదర్శనం అవసరమని కూడా వ్యాఖ్యానించారు.
అమ్మవారికి నిర్వహించే పూజలు, నైవేద్యాలు నియమ నిష్ఠలతో జరగాలని సూచించిన స్వర్ణలత, భక్తులు సంప్రదాయాలను గౌరవించి ఆచరించాలని కోరారు. అమ్మవారి కృప కోసం భక్తి, విశ్వాసంతో పూజలు నిర్వహించాలని సందేశమిచ్చారు.
