Gold Rate Today: బంగారం ధరలకు బ్రేక్‌.. శనివారం స్వల్ప మార్పు, వెండి మాత్రం పైకి

బంగారం కొనుగోలు చేయాలనుకునే వారికి గత కొన్ని రోజులుగా పసిడి ధరలు షాకిస్తున్నాయి. అంతర్జాతీయ మార్కెట్లలో చోటుచేసుకుంటున్న పరిణామాలు, డాలర్‌ విలువలో మార్పులు, పెట్టుబడిదారుల డిమాండ్‌ వంటి అంశాల ప్రభావంతో పసిడి ధరలు భారీగా పెరిగాయి. ఆగస్టు 15 నుంచి 22 మధ్య దేశీయ మార్కెట్లో 10 గ్రాముల బంగారం ధరలో సుమారు రూ.3,500 నుంచి రూ.4,500 వరకు పెరుగుదల నమోదైనట్లు గణాంకాలు సూచిస్తున్నాయి.

అయితే శనివారం ఉదయం నాటికి బంగారం ధరల్లో పెద్దగా మార్పు కనిపించలేదు. ఆగస్టు 21న 24 క్యారెట్ల 10 గ్రాముల బంగారం ధర రూ.1,60,480గా ఉండగా.. శనివారం రూ.1,60,490గా నమోదైంది. అంటే కేవలం రూ.10 పెరిగింది.

అదే సమయంలో 22 క్యారెట్ల 10 గ్రాముల బంగారం ధర రూ.1,47,110గా ఉంది. శుక్రవారం రూ.1,47,100గా ఉండటంతో రూ.10 మాత్రమే పెరిగింది. 18 క్యారెట్ల బంగారం ధర సుమారు రూ.1,20,370 వద్ద కొనసాగుతోంది.

వెండి ధర మాత్రం స్వల్పంగా పెరిగింది. శుక్రవారం కిలో వెండి ధర రూ.2,60,000గా ఉండగా.. శనివారం రూ.100 పెరిగి రూ.2,60,100కు చేరింది.

అంతర్జాతీయ మార్కెట్లో బంగారం ధరల పెరుగుదలకు బలహీనపడుతున్న అమెరికా డాలర్‌తో పాటు ప్రపంచ ఆర్థిక పరిస్థితులపై ఉన్న ఆందోళనలు కూడా కారణమవుతున్నాయని మార్కెట్‌ వర్గాలు చెబుతున్నాయి.

గమనిక: నగలు కొనుగోలు చేసే సమయంలో పై బులియన్ రేట్లకు GST, మేకింగ్ ఛార్జీలు, ఇతర జువెల్లర్ ఛార్జీలు అదనంగా ఉండొచ్చు. నగరం, జువెల్లర్‌ను బట్టి ధరల్లో స్వల్ప తేడాలు ఉండవచ్చు.